ពិធីអបអរសាទរទិវាជាតិបង្ការ និងពន្លត់អគ្គិភ័យលើកទី៣ ក្នុងខេត្តក្រចេះ

ឯកឧត្ដម វ៉ា ថន អភិបាលខេត្តស្តីទី អញ្ជើញជាអធិបតីភាព ក្នុងពិធីអបអរសាទរទិវាជាតិបង្ការ និងពន្លត់អគ្គិភ័យលើកទី៣ ថ្ងៃអង្គារ៦កើត ខែផល្គុន ឆ្នាំរកា នព្វស័កព.ស២៥៦១ ក្រចេះថ្ងៃទី២០ ខែកុម្ភៈ ឆ្នាំ២០១៨ នៅសាលមហោស្រពខេត្តក្រចេះ ដែលមានការចូលពីមន្តី្ររាជការ កងកម្លាំងទាំង៣ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋសរុបប្រមាណ៤៥០នាក់។ ក្នុងឱកាសនោះ ឯកឧត្ដម បានជម្រុញឱ្យមន្ត្រីរាជការស៊ីវិល កងកម្លាំងប្រដាប់អាវុធ អាជ្ញាធរដែនដីគ្រប់លំដាប់ថ្នាក់ គ្រប់មន្ទីរ ស្ថាប័ន គ្រឹះស្ថានឯកជន ផ្នែកឯកជននិងជនគ្រប់ៗរូប ដែលទាំងអស់គ្នាចាំបាច់ត្រូវមាន ស្មារតីប្រុងប្រយ័ត្ន ដូចជាៈ ភ្លើងចង្រ្កាន ភ្លើងចង្កៀង ភ្លើងទៀន ធូប ភ្លើងសំរាម ភ្លើងព្រៃ បារី រំសេវ កាំជ្រួច ប្រេងឥន្ទនៈ ចរន្តអគ្គីសនី ឧស្ម័នចំហេះ សាធាតុគីមីនិងវត្ថុដែលងាយឆេះ និងងាយផ្ទុះឆេះ កុំឱ្យមានកើតនិងត្រូវចូលរួមជួយគ្នា ពន្លត់នៅពេលមានអគ្គីភ័យកើតឡើង តាមទិសស្លោក “យើងរួមគ្នាបង្ការ និងពន្លត់អគ្គីភ័យ” ។

ប្រភពព័ត៌មាន: រដ្ឋបាលខេត្តក្រចេះ (ថ្ងៃទី ២០ ខែកុម្ភៈ ឆ្នាំ២០១៨)